Demonstrimin i forcës ajrore ushtarake serbe pranë brezit kufitar të Kosovës shihet nga eksperti i sigurisë, Agim Musliu, si kërcënim i drejtpërdrejtë për Kosovën nga Ushtria Serbe.





“Tre helikopterët ushtarakë serbë, të tipit ‘Gazela’, duket se kanë thyer Marrëveshjen e Kumanovës dhe marrëveshjen me NATO-në, sepse kanë hyrë në territor ku nuk guxojnë të hyjnë”, ka thënë Musliu për ATV.

Ai thotë se pas kësaj NATO është dashur të intervenojë menjëherë, sepse është një thyerje flagrante e hapësirë së një shteti sovran.





“E tërë kjo mund të konsiderohet si tentim agresioni apo si agresion. Por, ky është një presion, që nuk është i panjohur në gjuhën ushtarake dhe politike”, tha ai.

Fluturimi i helikopterëve të Ushtrisë Serbe pranë kufirit me Kosovë, vjen në ditën kohën kur rruga në vendit tonë po mbahet e bllokuar nga protestuesit serbë, të cilët po kundërshtojnë vendosjen e reciprocitetit për targat e automjeteve të Serbisë që hyjnë në Kosovë./Gazeta Infokus